د سرپل ولایت په ښوونځیو کې مستحقو کارکوونکو ته د خوراکي توکو کڅوړې ووېشل شوې
یوې خیریه ادارې په سرپل ولایت کې د ښوونځیو ۴۰۰ تنو مستحقو کارکوونکو، ښوونکو او خدمتي کارکوونکو ته د روژې مبارکې میاشتې په مناسبت د خوراکي توکو کڅوړې ووېشلې.
د یادو مرستو د وېش مراسمو په پیل کې د نوموړي ولایت پوهنې رئیس محترم مولوي محمد رحماني د دې نېک اقدام څخه د مننې او قدردانۍ ترڅنګ وویل: خیریه بنسټونه او نېک انسانان تل د ټولنې د اړمنو قشرونو ترڅنګ ولاړ دي او دا ډول کړنې زموږ په اسلامي ټولنه کې د همدردۍ، همکارۍ او یووالي ښه بېلګه ده. موږ له دې خیریه ادارې څخه چې د روژې مبارکې میاشتې په دې برکتناکو ورځو کې یې له مستحقینو سره مرسته کړې ده، د زړه له کومې مننه کوو.
