دسويدن ښوونې او روزنې مسؤل د میدان وردګ ولایت د پوهنې رئیس سره ولیدل
دسویدن زون د ښوونې او روزنې مسؤل، ښاغلي عبدالجبار باصر،چې د یادې مؤسسې روغتیا د چارو مسؤل داکتر صاحب محمد خلیل ئې ملتیا کوله،
دمیدان وردګ ولایت پوهنې محترم رئیس مولوي صاحب ګل ولي متقي سره ولیدل،
ښاغلي باصر پوهنې ریاست مشرتابه سره د خپل کلني پلان د شریکولو او تشریح کولو،ښوونکو د ګومارنې،ستراتیژیک پنځه کلن پلان دجوړلو،۵۰ سیمییزو ټولګیو دتأسیس او یو لړ ستونزو اړوند خبرې وکړې،
په دې لیدنه کې د کلني پلان د شریکولو او تشریح کولو اړوند وخت وټاکل شو،
د سیمییزو ټولګیو ښوونکو دګومارنې او ستراتیژیک پلان اړوند پرېکړه وشوه،
چې د ذکورو ښوونکو څخه به ټاکل شوې کمېټه په مرکز کې آزموینه اخلي.
او له اناثو څخه به په خپله سیمه کې آزموینه اخیستل کیږي.
د پوهنې رئیس د سویډن کمیټې پروګرامونه له میدان وردګو پوهنې ریاست سره خپل ملاتړ څرګند کړ او زیاته یې کړه، چې ټولې چارې باید د پوهنې له ریاست سره په همغږۍ ترسره شي.
