دننګرهار د بي بي زينب په لېسه کې د يوې ودانۍ د بنسټ ډبره کېښودل شوه
پوهنې وزارت _ ننګرهار: دننګرهار ولایت د مرکز اړوند دجلال آباد ښار د بي بي زینب د نجونو په لیسه کې د يوې نوې ودانۍ د بنسټ ډبره کېښودل شوه.
په هغه غونډه کې چې له همدې امله د یادې لیسي په انګړ کې جوړه شوي وه ، د والي شامحمود مياخېل په ګډون د پوهنې رئيس حسيب الله شينواري، د دولتي ادرو یو شمیر مسوولینو، قومي مشرانو، ښوونکو او زده کوونکو ګډون درلود.
د ننګرهار والي شا محمود مياخېل وایې، چې پر دې ودانۍ د پوهنې وزارت له پرمختیایي بودیجې څخه شاوخوا لس میلیونه افغانۍ لګښت راځي چې د جوړېدو چارې به يې د اتلس مياشتو په موده کې بشپړې شي.
یاده ودانۍ به د نورو آسانتیاو ترڅنګ ۴۰ خونې ولري .
همدا رنګه د پوهنې رئيس حسيب الله شينواري د خپلو خبرو پر مهال وويل: چې د بي بي زينب لېسې ملاتړ شورا په هره برخه کې د لېسې د پرمختګ لپاره بې بی درېغه کړنې او هلې ځلې کړي، چې ياده لېسه يې په مثالي او نمونوي لېسه بدله کړې ده. ښاغلي مياخېل او پوهنې رئيس د لېسې ملاتړ شورا ته د درناوي او نازونې په پار ستاينليک هم ورکړ.
دیاده ونې وړ ده، چې د غونډي په پاي کې د والي شاه محمود مياخېل او پوهنې رئيس حسيب الله شينواري په لاسونو د اسد د اوومې(ملي بيرغ) د نمانځنې په وياړ د بي بي زينب د نجونو په لېسه کې د ښځينه لېسو د مديرانو او ښوونکو په شتون کې ملي بيرغ پورته شو، چې ورسره هم مهاله د لېسې کوچنيو زده کوونکو په خپلو خوږو غږونو ملي بيرغ ته ليکل شوې ترانه زمزمه کوله.
