د بغلان ولايت د څو ښوونیزو بنسټونو بيارغونې پروژې بشپړې شوې
![951](/sites/default/files/2024-09/whatsapp_image_2024-09-01_at_9.21.08_am.jpeg)
__ د بغلان ولايت د پوهنې رئيس الحاج مولوي محمد نور عزيزي په وينا : په دې وروستيو کې د یاد ولايت دوشي ولسوالۍ دکیلګي لېسې د ودانۍ بيارغونې چارې بشپړې او په رسمي ډول د ٧٥زره افغانيو په لګښت سره ګټې اخستنې ته وسپارل شوه.
__ د درې مېلیونه افغانیو په لګښت د مرکزي بغلان اړوند بایسقال منځني ښوونځي لېسې د احاطوي دېوال جوړېدو چارې هم بشپړې شوې.
__ د پلخمري ښار په اړوندو کې د عمر فاروق( رضی الله عنه) عالي لېسې ۵۰ پایې څوکۍ هم ترمیم او د زده کوونکو د استفادې لپاره چمتو شوې.
د يادونې وړ ده، چې د همدغو پروژو لګښت د پوهنې وزارت له بوديجې څخه ورکړل شوی دی.
دغه راز د بغلان ولايت پوهنې رئيس زياته کړه: ډير ژر به ديو شمېر ښوونځيو بيارغونې چارې چې اوسمهال روانې دي، بشپړې او ګټې اخيستنې ته وسپارل شي.