د خوست د پوهنې ریاست یو شمېر کارکوونکي وستایل شوه

media-moe
سه‌شنبه ۱۳۹۸/۹/۱۲ - ۱۰:۴۷
د خوست د پوهنې ریاست یو شمېر کارکوونکي وستایل شوه

د پوهنې وزارت_خوست: د خوست والي د پوهنې ریاست یو شمېر کارکوونکي له دې کبله وستایل چې دندو ته په خپل وخت حاضریږي.
په هغه غونډه کې چې په همدې موخه د ولایت په مقام کې جوړه شوي وه، خوست والي محمد حلیم فدایي د پوهنې ریاست دغه کارکوونکي پر دنده ، معارف او هېواد مئین کسان یاد کړل، دوی ته یې د تقدیرنامو ترڅنګ نغدې ډالۍ هم ورکړې. ده وویل معارف یو له کلیدي ریاستونو څخه دی دا ځکه چې دلته انسان روزنې لپاره کار کېږي، او دا یوې سیمې لپاره تر هرڅه ډېر ارزښت لري.
ښاغلی فدایي زیاته کړه، د خوست پوهنې ریاست په دې وروستیو کې د پام پرمختګ کړیدی، زه هڅه کوم چې د خوست پوهنیز حالت د پوهنې ریاست سره په ګډه نور هم د بهترۍ لورې ته بوځم.
همدارنګه د پوهنې رئیس نصیر احمد روښان د خوست والي څخه مننه وکړه چې د معارف کارکوونکي هڅوي،او زیاته یې کړه د مکافاتو او مجازاتو اصل پلي کول په ادارو کې شفافیت راولي ښاغلی روښان زیاته کړه، دغه هڅونه زموږ کارکوونکو ته لا نوره انرژي او قوت ور وبخښي.
د پوهنې ریاست د نظارت غړي سید موسی مجروح په خپلو خبرو کې د ولایت مقام د دغه ګام څخه خوښي ښوده او زیاته یی کړه چې په ټول توان به هڅه وکړو چې خپل خدمات تر دې هم بهتر کړ.

تازه خبرونه

یکشنبه ۱۳۹۸/۹/۲۴ - ۱۰:۴۷
Background image

په تېرو ۱۸ کلونو کې په لومړي ځل د پکتیا وزې ځدراڼ ولسوالي له عالي لیسې څخه زده کوونکي فارغ شول

د پوهنې وزارت _پکتیا: د پکتیا ولایت د وزې ځدران ولسوالي له عالي لیسې څخه ۲۶ تنه زده کوونکي د دولسم ټولګي نه فارغ شول.
په هغه غونډه کې چې په همدې موخه دیادې لیسې په انګړ کې جوړه شوی وه،. . .

یکشنبه ۱۳۹۸/۹/۲۴ - ۱۰:۳۹
Background image

لوګر کې له ۴ زرو ډېر نجونې او هلکان له دولسم ټولګي فارغ شول

د پوهنې وزارت_لوګر: په لوګر ولایت کې له ۸۰ ښوونځیو څخه د ۵۲۳ نجونو په ګډون ۴۱۲۴ زده کوونکي له دولسم ټولګي څخه فارغ شول.
فارغو شویو زده کوونکو له لومړي ټولګي تر دولسم ټولګي پورې خپلې زده. . .

یکشنبه ۱۳۹۸/۹/۲۴ - ۱۰:۳۹
Background image

د زابل د ښوونځیو او ولسوالیو د پوهنې امرینو ته د ظرفیت لوړونې ورکشاپ جوړ شو

د پوهنې وزارت_زابل: د زابل ولایت د پوهنې ریاست چوکاټ کې د یونیسف همکارې موسسې له لوري د ښوونځیو او د ولسوالیو د پوهنې امرینو ته د نتایجو، مالي چارو، راپور لیکلو او راپور ورکولو برخه کې. . .

BACK TO NEWS