د غزني ولایت د پوهنې ریاست له لوري د ماشومانو نجونو نړیواله ورځ ولمانځل شوه
همدارنګه د ماشومانو د حقونو په تړاو د زده کوونکو تر منځ د رقابتي سیالۍ پایلي اعلان شوي
د پوهنې وزارت_ غزنی: د غزني ولایت د پوهنې ریاست له لوري د ماشومانو نجونو نړیواله ورځ د پوهنې ریاست د غونډو په تالار کې د یوي پرتمیني غونډي په ترڅ کې ولمانځل شوه .
په یاده غونډه کې د پوهنې رئیس محب الرحمن "انصار"، د ولایت مقام نماینده، د یونسیف مؤسسي استاذي، دینې عالمانو، د مختلفوښوونځیو آمرینو، مسؤلینو، ښوونکو او ګڼ شمیر زده کوونکو او ماشومانو پکې ګډون درلود.
د غزني ولایت د پوهنې رئیس محب الرحمن " انصار" غونډي ته پخپله پرانستونکي وینا کې ګډونوالو ته د ښه راغلاست ترڅنګ ټولو ماشومانو ته د خپلي نړیوالي ورځي مبارکي وویله، همدارنګه د حضرت محمد (ص) د احادیثو په رڼاکې یي د ماشومانو د روزني او حقونو په تړاو هر اړخیز بحث وکړ او زیاته یي کړه چې ماشومان د ښوونیز بهیر اعظیمه برخه تشکیلوي د پوهنې ریاست رهبري تل هڅه کړي تر څو په ښوونیز بهیر کې د ماشومانو ټول بشري حقونه تامین کړي همدارنګه د پوهنې رئیس له ټولو والدینو وغوښتل تر څو د خپلو او لادونو د روزني او پالني په برخه کې خپل مسؤلیت په ښه توګه درک او اداکړي،
همداراز په غزني ولایت کې د یونسیف مرستندویه مؤسسي استاذي "ویس وردګ" د ماشومانو د حقونو په تړاو خبري وکړي د غونډي په جریان کې د ولایت مقام نماینده فریداحمد"عبیدي" د ماشومانو د حقونو په ارتباط هر اړخیز بحث او څرګندوني وکړی او په یاده برخه کې یي د پوهنې ریاست له رهبري څخه مننه وکړه او یادي برنامي یي د ماشومانو په ښه راتلونکي اغیزناکي یادي کړي.
په یاده غونډه کې د ګڼ شمیر وینا والو له وینا او د زده کوونکو له مقالو او ترانو وروسته د ماشومانو د حقونو په تړاو په رقابتي ازموینه کې د لوړو نمرو شپږ تنه زده کوونکې وستایل شو، یاده سیالي څه موده وړاندي د پوهنې ریاست له لوري د ماشومانو د حقونو په ارتباط په لاره اچول شوي وه په یاده ازموینه کې د ۲۳ مختلفو ښوونځیو ۶۳ تنه زده کوونکو ګډون کړی وه د نتایجو له ارزوني وروسته شپږ تنه زده کونکي د لوړو نمرو په خپلولو سره بریالي اعلان او د پوهنې ریاست له لوري د لا تشویق په موخه په نغدي او معنوي ډالیو وستایل شو او په پای کې غونډه د دعایه په لوستلو سره پای ته ورسیده.
