د لوړو زده کړو وزارت لوړ پوړي پلاوي د پوهنې وزارت د اسلامي زده کړو له معین سره وکتل.
د لوړو زده کړو وزارت د مالي او اداري معین حافظ مولوي حامد حسیب په مشرۍ د یاد وزارت لوړ پوړي پلاوي په داسې حال کې چې د پوهنې وزارت د سرچینو او ادارې معین مولوي صبغت الله وصيل هم حضور درلود، د دغه وزارت د اسلامي زده کړو له معین الحاج مولوي کرامت الله آخندزاده سره د نوموړي په کاري دفتر کې وکتل.
د ياد پلاوي په ترکیب کې چې د لوړو زده کړو وزارت د ديني تخصصونو او پوهنتونونو عمومي رئيس مولوي فريد هم په کې شامل ؤ، د ١٤٤٥ ه ق کال د اسلامي زده کړو د رسمي او خصوصي مرکزونو د زده کوونکو او علماوو د ګډې آزموينې په تړاو تفصیلي خبرې شوې.
دواړو خواوو په ګډه د آزموينې پر لارو چارو او ستونزو خبرې وکړې او له یو بل سره د دوه اړخیزې همکارۍ په موخه هوکړې ته ورسېدل.
