د لوګر د پوهنې رئیس عبدالوکیل کلیوال په دوو دولتي ادارو کې د سواد او حرفوي زده کړو له درېیو کورسونو څخه لیدنه وکړه.

media-moe
پنجشنبه ۱۳۹۸/۶/۱۴ - ۱۰:۵۷
د لوګر د پوهنې رئیس عبدالوکیل کلیوال په دوو دولتي ادارو کې د سواد او حرفوي زده کړو له درېیو کورسونو څخه لیدنه وکړه.

په لیدل شویو کورسونو کې د کار او ټولنیزو چارو په ریاست کې د حرفوي او سواد آموزی او دغه راز د پل علم په ښاروالۍ کې د سواد آموزی کورسونه شامل دي.
د کار او ټولنیزو چارو ریاست د سواد آموزی او حرفوي زده کړو په کورسونو کې شاوخوا ۶۰ میرمنې په زده کړو بوختې دي.
د پل علم ښاروالۍ د سواد آموزی په کورس کې بیا ۲۰ کسان د لیک لوست زده کړې کوي، چې ټول د همدې ادارې خدماتي کارکوونکي دي. 
یاد کورسونه ۵ میاشتې مخکې د پوهنې ریاست د لیک لوست زده کړې آمریت له خوا فعال شوي، چې د راتلونکې قوس میاشتې تر پایه به دوام وکړي. 
د لوګر د پوهنې رئیس عبدالوکیل کلیوال له نوموړو کورسونو څخه د لیدنې پر مهال وویل، چې سږ کال یې د نالوستو لپاره د لیک لوست ۲۳۳ کورسونه فعال کړي.
هغه زیاته کړه،چې په نوموړو کورسونو کې د ۱۰۶۰ میرمنو په ګډون ۲۹۳۲ نالوستي کسان د لیک لوست زده کړې کوي. 
ها خوا د لوګر د پوهنې ریاست د لیک لوست سرپرست آمر محمد عظیم ستانکزی وایي، چې یاد کورسونه ټول فعال دي او دوی ترې وخت په وخت نظارت کوي. 
د یادونې وړده،چې د لوګر د پوهنې رئیس له دې مخکې هم له دولتي او خصوصي ښوونیزو مرکزونو څخه نظارت کړی دی.

تازه خبرونه

یکشنبه ۱۳۹۸/۶/۲۴ - ۱۰:۲۸
Background image

د ارزګان د ښوونځيو شوراګانو غړو ته ورکشاپ جوړ شو

پوهنې وزارت_ارزګان: د ارزګان د مرکز او ولسوالیو د ښوونځیو شوراګانو غړو ته د وړتیا لوړونې دري ورځنی ورکشاپ پیل شو.
یاد ورکشاپ د پوهنې ریاست په همکارۍ او د یونیسف موسسې په مالي لګښت جوړ. . .

یکشنبه ۱۳۹۸/۶/۲۴ - ۱۰:۲۸
Background image

د کنړ د ښوونځیو شورا ګانو غړو ته د ظرفیت لوړونې ورکشاپ پیل شو

پوهنې وزارت_کنړ: د ټولنیز خوځښت او د پوهنې شوراګانو ریاست لخوا د (MSI AMANAT) په مالي مرسته د کنړ ولایت د (شیګل او وټه‌ پور) ولسوالیو (۵۴) د ښوونځیو شوراګانو غړو ته د (ښوونځیو د. . .

شنبه ۱۳۹۸/۶/۲۳ - ۱۴:۴۵
Background image

لوګر کې یوه ښوونځي ته ودانۍ جوړه شوه

پوهنې وزارت_لوګر: د لوګر د محمدآغې ولسوالۍ د شهید محمد سلیم لعل ستانکزي ښوونځي لپاره نوې جوړه شوې ودانۍ ګټې اخیستنې ته وسپارل شوه.
د یاد ښوونځي د پرانیستنې په مراسمو کې والي الحاج محمد. . .

BACK TO NEWS