د لوګر له پوهنې ریاست څخه خبرونه

media-moe
دوشنبه ۱۴۰۱/۱۲/۲۲ - ۱۲:۴۹
د لوګر له پوهنې ریاست څخه خبرونه

لوګر
په لوګر ولایت کې د یونیسف سیمه ییز دفتر د دغه ولایت د ۲۵۷ ښوونځیو زده کوونکو ته درسي او ښوونیز مواد چمتو کړي دي او د دغه ولایت د پوهنې ریاست له مشرتابه څخه یې وغوښتل چې ترلاسه شوي مواد دې د نوي ښوونیز کال سره سم د دغو ښوونځیو پر زده کوونکو ووېشي. د لوګر د پوهنې ریاست مسوولینو د دې موادو د عادلانه وېش ډاډ ورکړ.

لوګر
د لوګر د پوهنې ریاست د ساینس او ټکنالوژۍ مدیریت د دغه ولایت د مرکز اړوند د ښوونځیو ۱۱۷ تنو ښوونکو ته د کیمیا، بیولوژي، فزیک، ساینس او ریاضي په برخو کې ښوونیز سیمینار جوړ کړ. په پام کې ده، چې د درسونو له پیل سره سم به یاد استادان خپلې زده کړې او تجربې له زده کوونکو سره شریکې کړي.

لوګر
د لوګر ولایت د څرخ ولسوالۍ د پوهنې آمریت د اړوندو سیمو د ۳۰ ښوونځیو له آمرینو او مدیرانو سره غونډه وکړه او له هغوی یې وغوښتل چې د نوي ۱۴۰۲ ښوونیز کال پیل ته د ښوونې او روزنې د ښه کیفیت د برابرولو په موخه چمتووالی ونیسي. چې د اړوندو ښوونځيو مسوولينو په دې برخه کې د پوره چمتووالي ډاډ ورکړ.

لوګر
د پوهنې وزارت د اسلامي زده کړو معینیت د لوګر ولایت په خروار ولسوالۍ کې له ۲۴ خصوصي مدارسو سره نغدي مرسته وکړه، ترڅو د خپلو ورځنیو اړتیاوو لپاره ترې ګټه پورته کړي. د يادو مدارسو استادانو او زده کوونکو له يادو مرستو خوښي څرګنده کړه.

لوګر
د لوګر د پوهنې ریاست د نشراتو مدیریت په خبرپاڼه کې ویل شوي، چې د ۱۴۰۲ هجري لمریز کال د کانکور ازموینې لپاره تراوسه ۲۵۰۰ تنو نوم لیکنه کړې ده.

تازه خبرونه

پنجشنبه ۱۴۰۴/۶/۶ - ۱۲:۳۲
Background image

د ولایتونو له پوهنې څو خبرونه

هرات

د یوې همکارې تعلیمي ادارې په ملاتړ د هرات ولایت زنده جان ولسوالۍ اړوند د میمیزک ښوونځي سره د ۱۲۰ زره افغانیو مرسته شوې ده.

په دې مرسته کې یو پایه کمپیوټر، تعلیمي کڅوړې او د څښاک. . .

پنجشنبه ۱۴۰۴/۶/۶ - ۱۱:۷
Background image

د نشه‌يي توکو کمولو ملي کمېټې سره د پوهنې وزارت د سواد زده کړې ریاست فعالیتونه

د اسلامي.ا.مارت عالي مقام د هدایت پر بنسټ، د نشه يي توکو کمولو ملي کمېټه تاسیس شوه، چې د پوهنې وزارت هم د دې کمېټې د سواد زده‌کړې څانګې غړی دی.

د هېواد ټولټال ۱۲ رسمي ادارې د دې کمېټې. . .

پنجشنبه ۱۴۰۴/۶/۶ - ۱۱:۴
Background image

د بدخشان ولایت د یو باب لېسې لپاره احاطوي دېوال جوړولو پروژه بشپړه شوه

د بدخشان ولایت یاوان ولسوالۍ د زو لېسې احاطوي دېوال رغولو کارونه په پاخه او اساسي بڼه بشپړ شول.

یاد دېوال چې د پورته ذکر شوي کلي د خیرخواه خلکو په صادقانه همکارۍ بشپړ شوی، ۹۰ متره. . .

BACK TO NEWS