د ننګرهار، کنړ، نورستان او لغمان ولایتونو د څارنې غړو ته روزنیږ ورکشاپ جوړ شو
د پوهنې وزارت، ننګرهار: د ننګرهار، کونړ، نورستان او لغمان ولایتونو د عالي دارالمعلمینونو او پوهنې ریاستونو د مرکزي هستو د څارنې ۴۰ کارکوونکو ته دزده کړو لپاره د ارزونې تر سرلیک لاندې پنځه ورځنی ورکشاپ پېل شو.
یاد ورکشاپ د پوهنې وزارت له لوري او د یونیسف موسسې په مالي مرسته جوړ شوی .
د ننګرهار پوهنې رياست مالي او اداري مرستیال سید عیسی سادات د یاد ورکشاپ د پرانیستنې په مراسموکې د څارنې غړِي خپلو دندو او مسوولیتونو ته ځیر کړل او دوی ته یې سپارښتنه وکړه چې د زدکونکو د زده کړو کچه وارزوئ.
د ننګرهار عالي دارالمعلمین ریس مولوي محمد داود ابراهیم خیل په خپلو خبرووکې برخه والو ته وویل: تاسو به په خپلو سیموکې نور ښوونکي او د څارنې غړي روزئ څومره چې تاسو دلته ښه زده کړه وکړئ هماغومره به نور ښوونکي ښه وروزي.
د پوهنې وزارت څخه د راغلو څلورو تنو روزونکو په استازولۍ عبدالشکور عزیزي وویل په دې پنځه ورځني ورکشاپ کې چې د یونیسف ادارې په مالي مرسته جوړ شوی برخه والو ته د تکویني ارزونې په اړه ټول لازم او اړین معلومات او مواد په واک کې ورکول شي. نوموړي وویل: په لومړي سر کې تکویني ارزونه یوازې په ازمایښتې بڼه تر سره کیده خو اوس یې اغیزمنیتا ته په پام سره رسمي بڼه خپله کړې او په ټولو ولایتونو کې په یو ډول ترسره کیږي. هغه دورکشاپ له ګډونوالو هیله وکړه چې په ورکشاپ کې فعاله ونډه واخلي.
