د هېواد د ولایتونو په استازیتوب، د یو شمېر ولایتونو پوهنې رئیسانو د پوهنې وزارت له محترم سرپرست سره وکتل
د هېواد د ولایتونو په استازیتوب د کابل، میدان وردګ، بامیان، کاپیسا، غزني او لوګر ولایتونو د پوهنې ښاغلو رئیسانو د پوهنې وزارت له محترم سرپرست الحاج مولوي حبیب الله آغا سره وکتل او په ولایتونو کې یې د پوهنیز وضعیت په اړه مفصل بحثونه او نظرونه تبادله کړل.
د یادو ولایتونو پوهنې رئیسانو، هر یو په خپل وار سره، د ولایتونو د تعلیمي، اداري او نورو مسایلو په اړه په عمومي ډول خبرې وکړې او د مدارسو او ښوونځیو د فعالیتونو په وړاندې ستونزې او ننګونې او د تعلیمي همکارو ادارو سره د تعامل لارې چارې او یو لړ وړاندیزونه او نظرونه یې د وزارت محترم مشرتابه سره شریک کړل.
ورپسې د پوهنې وزارت محترم سرپرست د پورته ذکر شویو مسئولینو د خبرو اورېدو پرمهال، د دوی راتګ ته ښه راغلاست ووایه، د پوهنې د کیفیت لاپیاوړتیا او د تعلیمي ادارو د پراختیا په برخه کې یې د ولایتي پوهنې ریاستونوله دندو ستاینه وکړه.
نوموړي له دقیق غور او بیاکتنې وروسته ولایتي مسئولینو ته اړینې لارښوونې ترسره، د وړاندې شویو نظرونو په اړه یې د همکارۍ ژمنه وکړه او د پورته ذکر شویو ننګونو د حل ډاډ یې ورکړ.
