د ولایتونو له پوهنې ریاستونو څخه ځینې مهم خبرونه
بغلان
د هېواد د ولایتونو ښوونیز وضعیت د تحلیل او ارزونې پر بنسټ، د بغلان ولایت پوهنې ریاست د پلاوي او د پوهنې وزارت د پلان ریاست د استازي ترمنځ، د پوهنې ملي پلان د مسودې بشپړولو او د نظریاتو غوښتلو په موخه غونډه جوړه او په اړه یې تفصیلي بحثونه وشول.
هرات
د هرات ولایت پوهنې رئیس مولوي رحمت الله جابر، د یاد ولایت ادرسکن ولسوالۍ ته د یوه رسمي سفر په ترڅ کې د پوهنې له مسئولینو، د ښوونځيو او دیني مدارسو له مدیرانو، ښوونکو او د سیمې له مشرانو سره یې د پوهنې د کیفیت د لاښه والي په موخه په بېلابېلو مسایلو خبرې وکړې.
پنجشېر
د پوهنې وزارت له لوري د ورکړل شوې سهمیې له مخې، د پنجشېر ولایت پوهنې ریاست ته ۹۶ زره ۹۰۰ جلده درسي کتابونه ورکړل شول.
د پوهنې رئیس مولوي غلام ایشان حماس وویل: په پام کې ده چې ډېر ژر دغه کتابونه د یاد ولایت پر زده کوونکو ووېشل شي.
دایکنډي
د دايکنډي ولايت پوهنې رئيس قاري عنايت الله سهار د CRS مؤسسې له استازو سره وکتل او د یادې مؤسسې د ښوونیزو فعاليتونو د لېږد پروسې په اړه يې داخلي ادارو ته تفصیلي خبرې وکړې.
د یو بل خبر له مخې:
د دایکنډي ولایت پوهنې رئیس د یاد ولایت په اشترلي ولسوالۍ کې د یو شمېر ښوونځیو او دیني مدارسو د کړنو ارزونې پرمهال، د نظامي او ملکي ادارو له مسئولینو سره وکتل او د پوهنې د وضعیت د لاښه والي په موخه یې د دوی د همکارۍ غوښتنه وکړه.
