د پوهنې وزارت د دعوت او ارشاد ریاست د کړنو «اوونیز راپور»

media-moe
پنجشنبه ۱۴۰۳/۳/۱۷ - ۱۲:۲۲
یب

له شنبې ۱۴۴۵/١١/۲۳هجري قمري تر پنجشنبې ۱۴۴۵/١١/۲۸هجري قمري (د غبرګولي میاشتې له ۱۲مې نېټې تر ۱۷مې ۱۴۰۳/ لمریز).

د پوهنې وزارت د دعوت او ارشاد ریاست مسئولینو تېره اوونۍ د کابل ښار شپږمې ښوونیزې ناحیې اړوند د علاو الدین، قلعه بختیار، محمود طرزي، امید سبزښارګوټي، صفي الله افضلي، قلعه بختیار ابتدائیه، سرآسیاب، چهارقلعه چهاردهي، ام البنین، سید اسماعېل بلخي، ګلخانه رسمي لېسو او له سردار کابلي، استاد ګلاب الدین، ارمان نمبر۲، آینده سازان چهارده، کیهان، دانش، مهد عرفان، اندیشمند ساز، دین ودانش، خورشید کابل، پردیس نمبر۲، افکار، بحرنو، اوج تفکر، ارشاد، عصر پدیده ها او عبدالرشید خصوصي ښوونځيو څخه لیدنې وکړې.

د یادو لیدنو په ترڅ کې د دعوت او ارشاد ریاست مسئولینو د دغو لېسو مسئولینو ته «د اسلامي اساساتو کتاب» د تدریس لړۍ پر تطبیق ټینګار وکړ.

د دعوت او ارشاد رياست مسئولينو او مبلغینو کارکوونکو او زده کوونکو ته ديني لارښوونې وکړې او له هغوی يې وغوښتل، تر څو خپل صورت او سیرت د رسول الله «صلی الله علیه وسلم» په سنتو برابر او همدارنګه د دیني درسونو په حلقو کې په جدي ډول برخه واخلي.

د پوهنې وزارت د دعوت او ارشاد ریاست ته له کابل ښار او د ولایتونو له پوهنې ریاستونو څخه لاس ته راغلي راپورونه ښیي چې:

په تېره اوونۍ کې د پوهنې وزارت د عوت او ارشاد ریاست د مسئولینو له لوري د یاد وزارت د مرکزي هستې اړوندو کارکوونکو ته د دیني درسونو لړۍ دوام درلود.

همدارنګه په تېره اوونۍ کې هم د پوهنې وزارت د دعوت او ارشاد ریاست په لارښوونه، له ټاکل شوي مهالوېش سره سم هره ورځ د مرکز او ولایتونو په ښوونیزو بنسټونو کې دیني درسونو دوام درلود او د یاد ریاست د مبلغینو له لوري د هغوی درسي بهیر هم له نبږدې څارل شوی دی.

دغه راز تېره اوونۍ په مرکز او ولايتونو کې د پوهنې وزارت د دعوت او ارشاد رياست مسئولينو له استادانو، زده کوونکو او منسوبینو سره له نیږدې وکتل او هغوی ته یې دیني ارشادات وړاندې کړل.

تازه خبرونه

پنجشنبه ۱۴۰۳/۳/۱۷ - ۱۲:۴۰
Background image

د ولایتونو پوهنې خبرونو ته کتنه

غزني

د غزني ولایت پوهنې رئیس الحاج مولوي میرنصیر احمد حسیني، د یاد ولایت د قره باغ ولسوالۍ له ولسوال، دیني علماوو او قومي مشرانو سره د یوې غونډې په ترڅ کې، د پوهنې وزارت او د یاد ولایت. . .

پنجشنبه ۱۴۰۳/۳/۱۷ - ۱۲:۳۳
Background image

د پوهنې وزارت د سرپرست له خوا د شرعي تخریج کمېټې غړي وستایل شول

د افغانستان.ا.ا. د مشرتابه د عالي مقام د حکم له مخې، څه موده وړاندې د پوهنې وزارت د کیفیت تضمین معین الحاج مولوي عبدالخالق صادق په مشرۍ، د اړوندو مرکزي ادارو د یو شمېر رئیسانو په ګډون. . .

پنجشنبه ۱۴۰۳/۳/۱۷ - ۱۲:۲۲
Background image

د پوهنې وزارت د دعوت او ارشاد ریاست د کړنو «اوونیز راپور»

له شنبې ۱۴۴۵/١١/۲۳هجري قمري تر پنجشنبې ۱۴۴۵/١١/۲۸هجري قمري (د غبرګولي میاشتې له ۱۲مې نېټې تر ۱۷مې ۱۴۰۳/ لمریز).

د پوهنې وزارت د دعوت او ارشاد ریاست مسئولینو تېره اوونۍ د کابل ښار شپږمې. . .

BACK TO NEWS