د پوهنې وزارت د ودانیو او املاکو د ساتنې او مراقبت رئیس په کندوز کې د یوه ښوونځي د نوې ودانۍ پروژه وارزوله
د پوهنې وزارت د ودانیو او املاکو د ساتنې او مراقبت رئیس مولوي محمداسحاق مقدس له خپل تخنیکي پلاوي سره کندوز ولایت ته سفر وکړ او هلته یې له پوهنې مسوولینو سره د ودانیزو او ترمیماتي پروژو د وضعیت او شته ستونزو په اړه ناسته وکړه.
ورپسې، پلاوي د یاد ولایت مرکز اړوند د حاجي ګلستان لومړني ښوونځي د ۲+۸ درسي ټولګیو د نوې ودانۍ له پروژې څخه لیدنه او څارنه وکړه.
د لیدنې پر مهال د پروژې په ځینو برخو کې یو شمېر کوچنۍ نیمګړتیاوې ولیدل شوې چې د اصلاح په موخه یې تخنیکي مسوولینو ته لازمې سپارښتنې وشوې.
د یادې پروژې چارې د بشپړېدو په درشل کې دي او له بشپړېدو سره به یې زدهکوونکو ته سالم درسي چاپېریال برابر شي.
