د پوهنې وزارت د ښوونې او روزنې معین د ننګرهار ولایت پوهنیز وضعیت له نیږدې وارزاوه
د پوهنې وزارت د ښوونې او روزنې معین الحاج مولوي سخاءالله سعید او ورسره مل پلاوی په رسمي سفر ننګرهار ولایت ته ولاړ.
په پیل کې یاد پلاوي د ننګرهار ولایت له پوهنې ریاست مشرتابه سره وکتل.
په یاده کتنه کې د پوهنې وزارت معین وویل، چې د سفر اساسي موخه یې د ننګرهار ولایت د مدارسو او ښوونځیو د اداري او تدریسي کړنو څېړل وو او د ښوونیز وضعیت د لاښه والي په تړاو یې د پوهنې اړوندو مسئولینو ته لازمې سپارښتنې وکړې.
په ورته مهال د پوهنې وزارت د ښوونې او روزنې معین په داسې حال کې چې د ننګرهار پوهنې رئیس مفتي حبیب حضرت حقاني او یو شمېر علماء کرامو یې هم ملتیا کوله، د جلال آباد ښار سربېره، د یاد ولایت د دره نور، کوز کنړ، کامه، چپرهار او هسکه مېنه ولسوالیو اړوند دیني مدارسو له ښوونیزو او روزنیزو پروګرامونو څخه له نیږدې څارنه وکړه.
په پای کې نوموړي کې د پوهنې وزارت د مسئولینو ستونزې او وړاندیزونه واورېدل او د حل په برخه کې یې د همکارۍ ژمنه وکړه.
