د پوهنې وزارت 74 سلنه مالي ورکړې د بریښنایي سیسټمونو لخوا ترسره کېږي.

media-moe
سه‌شنبه ۱۳۹۸/۱۰/۲۴ - ۱۳:۱۳

پوهنې وزارت_کابل: پوهنې وزارت خپلو ټولو کارکوونکو او ښوونکو ته مالي ورکړې د بریښنایي سیسټمونو له لارې تر سره کوي.
د دې پروګرام موخه په مالي ورکړو کې د روڼتیا رامنځ ته کول، د غیرقانوني اخیستنو مخنیوۍ، ښوونکو او کارکوونکو ته د فکري اسانتیا چمتو کول او د کارکوونکو او ښوونکو د معاشونو د ورکړو پروخت پلي کیدل دې.
دا مهال د پوهنې وزارت ۷۴ سلنه مالي ورکړې د (۱۹۵۲۷۵ تنو ښوونکو او کارکوونکو) معاشونه د بريښنایې سیسټمونو او د موبایل مني د پروګرام له لاری ترسره کيږې .
له دې ډلې څخه د پوهنې وازرت د ۶۶ سلنه (۱۵۸۳۳۱ تنو ښوونکو او کارکوونکو) معاشونه د بانکی سیستمونو او د پوهني وزارت د ۸ سلنه (۲۱۱۱۰ ښوونکو او مامورینو) معاشونه دهيواد د ۴۴ ولسواليو په کچه د موبایل منی (د معاشونو ورکړه د مبایل له لاري) له لاري ترسره کېږې.
خو د لغمان، پکتیا، پنجشیر، نورستان، زابل، خوست، تخار، بلخ، لوګر، پروان، بدخشان، فراه، بغلان، هلمند، دایکندي، ننګرهار، پکتیا او کنړ ولایتونو او ۱۸۳ ولسوالیو کې د تخنیکي او امنیتي ستونزو له امله معاشونه په سنتي سیستم د معتمدینو له لوري ورکول کیږي.
پوهنې وزارت هوډ لري ترڅو د مالي ورکړو د روڼتیا د رامنځته کولو له لارې او همدارنګه د ښوونکو لپاره د اوسیدو ځاي په جوړولو سره د ښوونکو لپاره د فکری آسانتیا زمینه برابره کرې.

تازه خبرونه

سه‌شنبه ۱۳۹۹/۳/۱۳ - ۱۲:۱۹
Background image

د پوهنې وزیر په شعباتو کې د کارمندانو دکاري فعالیت او صحي ټکو ته د پام کولو له بهیر څخه لیدنه وکړه

پوهنې وزارت: پوهنې وزیر ښاغلي محمدمیرویس بلخي د کوید ١٩ ویروس د پراختیا د مخنیوي او همدارنګه دکارمندانو د ښو خدماتو د وړاندې کولو او صحي ټکو ته د پام کولو په موخه د پوهنې وزارت له. . .

یکشنبه ۱۳۹۹/۳/۱۱ - ۲۰:۳۰
Background image

د افغانستان او اماراتو د پوهنې وزیرانو په هیواد کې د آنلاین زده کړو د بنسټیز جوړښت پر تقویت خبرې وکړې

پوهنې وزارت - کابل: د پوهنې وزیر ډاکټر محمد میرویس بلخي د عربي اماراتو له پوهنې وزیر ابراهیم الحمادي سره د ویډیو کنفرانس له لارې د دوه اړخیزو همکاریو په ځانګړی ډول په هیواد د آنلاین زده. . .

پنجشنبه ۱۳۹۹/۲/۲۵ - ۱۵:۱۰
Background image

د پوهنې وزارت خبرتیا!

د پوهنې وزارت_کابل: په هیواد کې د تودو سیمو ولایتونو "هلمند، کندهار، فراه، لغمان، ننګرهار، نیمروز او کنړ" او همدا رنګه په سړوسیمو ولایتونو کې د تودو سیمو د ښوونځیو د زده کوونکو کلنۍ. . .

BACK TO NEWS