د ښوونیزو بنسټونو مسئولینو لپاره د احصائیې راټولولو د مېتودونو په اړه مسلکي سیمینار پرانیستل شو

media-moe
دوشنبه ۱۴۰۳/۴/۲۵ - ۱۵:۴۵
fsd

د پوهنې وزارت د کیفیت تضمین معین الحاج مولوي عبدالخالق صادق، د کابل ولایت په ۱۴ ګونو ولسوالیو کې د مدارسو، ښوونځیو او د سواد زده کړې کورسونو ۶۸۴ تنو آمرینو او مسئولینو ته د ښوونکو، زده کوونکو او نورو اړینو معلوماتو اړوند د احصائیې راټولولو مسلکي سیمینار د پغمان ولسوالۍ په پوهنې آمریت انګړ کې پرانیست.

په یاده پرانیستغونډه کې د پوهنې وزارت د کیفیت تضمین معین سربېره، د یاد وزارت یو شمېر مرکزي رئیسانو، مسئولینو، د احصائیې او معلوماتو ریاست کارپوهانو هم ګډون درلود.

په پيل کې د پوهنې وزارت د کیفیت تضمین معین د ښوونیزو بنسټونو مسئولینو لپاره د دغه ډول سیمینارونو د جوړولو اړتیا او اغېز ته په اشارې سره وویل: د یاد سیمینار اساسي موخې د دقیقې احصائیې په تړاو د ښوونیزو بنسټونو د مسئولینو د کاري وړتیاوو لوړول، ګډون والو ته د مسئولینو، استادانو او زده کوونکو په اړه د معلوماتو راټولولو د نویو طریقو ښودل او آمرینو سره د احصائیې په فارمټونو کې د رامنځته شویو بدلونونو په اړه د نویو معلوماتو شریکول دي.

همدارنګه نوموړي د دقیقې احصائیې او معلوماتو په راټولولو ټینګار وکړ او زیاته یې کړه، چې دقیقه احصائیه په پرېکړو کې مهم رول لوبوي او په چاروکې د روڼتیا، د سرچینو د بې ځایه مصرف څخه د مخنیوي او په چارو کې د پرمختګ سبب ګرځي.

ورپسې د معلوماتو او احصائیې ریاست یو شمېر مسئولینو او کارپوهانو هم د موضوع په اړه خپل نظرونه څرګند کړل او له ګډون والو یې وغوښتل، چې د دغه سیمینار له علمي او مسلکي محتوا څخه اعظمي ګټه پورته کړي.

مراسم د ټاکل شوې آجنډا سره سم د کارپوهانو له خوا په پرېزنټېشنونو سره پیل شول او ټاکل شوې چې درې ورځې به دوام وکړي.

تازه خبرونه

شنبه ۱۴۰۴/۶/۸ - ۱۵:۱۵
Background image

سرپل ولایت کې د تعلیمي مرکزونو بیارغونې پروژې څه د پاسه ۴ مېلیونه افغانیو په لګښت سره پیل شوې

پوهنې وزارت، د سرپل ولایت په مرکز او ولسوالیو کې د همدغه وزارت له بودیجې څخه د ۴ مېلیونه ۶ زره ۶۰۹ افغانیو په لګښت د ۷ تعلیمي مرکزونو بیارغونې پروژې پیل کړې دي.

د سرپل ولایت پوهنې رئیس. . .

شنبه ۱۴۰۴/۶/۸ - ۱۵:۱۳
Background image

د پوهنې له ډګره د ځينو ولایتي خبرونو لنډیز

پروان

د پروان ولایت جبل سراج ولسوالۍ اړوند د ګذرپایان ښوونځي بیارغونې چارې د ۱۰۰ زره افغانیو په لګښت د ځایی خلکو په مالي ملاتړ سره پیل شوې. چې له دې جملې څخه ۶۰ زره افغانۍ د یو همکار. . .

شنبه ۱۴۰۴/۶/۸ - ۱۵:۱۱
Background image

د پوهنې وزارت د دعوت او ارشاد ریاست له کړنو "اوونیز راپور"

د پوهنې وزارت د دعوت او ارشاد د رئیس محترم الحاج مولوي جمعه خان "سروري" په لارښوونه، تېره اوونۍ د یاد ریاست څارنیز ټیم، دپوهني وزارت له ۸ مرکزي ریاستونو څخه لیدنې وکړې او د یادو ادارو. . .

BACK TO NEWS