د کابل ولایت د مدرسینو د مسلکي پراختیا غړو د وړتیا لوړولو په موخه سیمینار پیل شو
د پوهنې وزارت د اسلامي زده کړو معینیت له لوري، د کابل ولایت د مدرسینو مسلکي پراختیا غړو د وړتیا لوړولو ۶ ورځنی سیمینار، د اسلامي زده کړو معین الحاج مولوي کرامت الله «آخندزاده»، د دارالعلومونو رئیس الحاج مولوي عبدالقدوس "قدوسي"، یو شمېر مرکزي رئیسانو او کارکوونکو په حضور کې په رسمي ډول پرانیستل شو.
په پیل کې د پوهنې وزارت د دارالعلومونو رئیس الحاج مولوي عبدالقدوس «قدوسي» حاضرو مېلمنو ته د ښه راغلاست ترڅنګ، د سیمینار په اړه هر اړخیز معلومات وړاندې کړل او ویې ویل: د دغه سیمینار د پیلولو اساسي موخه، د مدرسینو د مسلکي وړتیاوو او تدریسي میتودونو پياوړتیا او د هېواد په مدارسو کې د ښوونیز کیفیت لوړول دي.
ورپسې د یاد وزارت د اسلامي زده کړو معین په خپلو خبرو کې د مدرسینو لپاره د روزنيزو ورکشاپونو د جوړولو او د دغه معینیت د لاسته راوړنو په اړه مفصل معلومات وړاندې کړل او د یادو ښوونيزو پروګرامونو پر دوام يې د ټينګار ترڅنګ، له ګډون والو وغوښتل چې د دغه سیمینار له زده کړو مهارتونو څخه اعظمي ګټه پورته کړي.
غونډه دعائیې په لوستلو سره پای ته ورسېده.
