د کابل ښار د وحدت د نجونو په ښوونځي کې د کتابتون لپاره نوې ودانۍ پرانیستل شوه
د پوهنې وزارت، کابل: د کابل ښار د پنځمې تعلیمي حوزي اړوند د وحدت د نجونو په ښوونځي کې د کتابتون لپاره نوې ودانۍ جوړه او ګټې اخیستنې ته وسپارل شوه.
په هغه غونډه کې چې په همدې موخه جوړه شوي وه د کابل ښار د پوهنې رییس ډاکټر احمد ضمیر ګوارا، د پوهنې وزارت د تعمیراتو رییس مخلص بازون، د جاپان S V A موسسي مشر انجنیز زماني او د سیمې مشرانو ګډون درلود.
د کابل ښار د پوهنې رییس احمد ضمیر گوارا په دې تړاو په مراسمو کې د کتابتون له جوړېدو خوښي وښوده او د اړونده موسسې د مسوولینو او د جاپان د خلکو څخه یې مننه وکړه. د پوهنې رییس زیاته ګړه چې یاد کتاابتون د جاپان د خلکو په مرسته په پاخه او اساسي ډول جوړ شوی، چې یو لوی سالون، دوه اداري خونې، د مطالعي خونه، ۸ عصري تشنابونه او نورې اړوندې ټولې اسانتیاوې لري.
د پوهنې رییس له زده کوونکو وغوښتل چې د علمي پوهې د ودې او وړتیا لوړه ولو په موخه دې دیاد کتابتون څخه غوره ګته پورته کړي او د کتابونو او کتابتون تجهیزاتو په ساتنه کې دې جدې پاملرنه وکړي.
