د کتاب راټولولو کمپاین
پوهنې وزارت، کابل: د کابل ولایت پوهنې ریاست او د ښوونځیو چارو د مدیریت شوراګانو د لارښوونې په اساس ، د کتابونو راټولولو کمپاین ، د (پوهې کمپاین) تر عنوان لاندې د کابل ولایت څوارلسو ولسوالیو کې د ښوونځيو په کچه پیل شو.
د دې کمپاین موخه په ښوونځیو کې د تعلیم پیاوړتیا او د مطالعې فرهنګ دودول دي، څو ښوونکي او زده کوونکي نويو مطالعاتي سرچینو ته لاسرسی ومومي.
په دغه کمپاین کې، د کابل ولایت په بیلابیلو ښوونځیو کې (۱۶۴۴۹۶) ټوکه کتابونه راټول شوي، چې له دې جملې څخه (۸۶۳۵۰) ټوکه کتابونه د ماشومانو ملاتړ موسسې او (۱۸۰۰۰) ټوکه د یونیسف ادارې له لوري ورکړل شوي دي چې په نږدې راتلونکي کې به د ښوونځیو زده کوونکو ته وویشل شي.
