د یو شمېر ولایتونو د ښوونکو مسلکي پراختیا علمي غړو لپاره روزنیز ورکشاپ پرانیستل شو
د پوهنې وزارت د ښوونکو د روزنې او مسلکي پراختیا ریاست لخوا د پروان، پنجشېر او کاپیسا ولایتونو د ښوونکو مسلکي پراختیا ۲۴۲ تنو علمي غړو لپاره ۴ ورځنی روزنیز ورکشاپ، د ښوونکو د روزنې او مسلکي پراختیا د رئیس مولوي محمد ابراهیم عمري او د یادو ولایتونو پوهنې مسئولینو په حضورې کې پیل شو.
د یاد پروګرام په پیل کې، د پوهنې وزارت د ښوونکو د روزنې او مسلکي پراختیا رئیس د همدغه روزنیز ورکشاپ د تنظیم په اړه مفصل معلومات وړاندې کړل او دا یې د مسلکي پراختیا غړو د کاري وړتیاوو لوړولو په برخه کې یوه لویه لاسته راوړنه وبلله.
