له یو شمیر بیرته راستانه شويو کډوالو څخه د تعليمي کچې د تثبیت آزموینه واخیستل شوه
پوهنې وزارت، غزني : غزني ولایت کې له یو شمیر بیرته راستانه شويو کډوالو څخه د تعليمي کچې د تثبیت آزموینه واخيستل شو.
د غزني ولایت پوهنې رياست سرپرسته او تدریسي مرستیاله بي بي رعنا نجمي، دا آزموينه د هغو ځوانانو لپاره يو ښه فرصت وباله چې د افغانستان په ګاونډيو هيوادونو کې يې په خصوصي ډول زدهکړې کړي.
نوموړې څرګنده کړه، د معارف لویه کورنۍ د ماشومانو او ځوانانو د تعلیم لپاره یو ښه فرصت دی او موږهڅه کوو له هرې ممکنې لارې د دې سیمې ماشومانو ته د تعلیم زمینه برابره کړو.
د یادونې وړ ده، چې له ګاونډيو هيوادونو څخه کابو ۴۵۰ تنه بیرته راستانه شويو هلکان او نجونو دې آزموینې لپاره نوم لیکنه کړې او په پام کې ده ،چې د دوو پړاونو په اوږدو کې آزموینه واخیستل شي او د بریالي شوي زده کوونکي به دولتي ښوونځيو ته ور و پیژندل شي.
