په تعلیمي بنسټونو کې د راستانه شوو افغان زدهکوونکو د جذب په تړاو د پوهنې وزارت اعلامیه
بِسْمِ اللّٰهِ الرَّحْمٰنِ الرَّحِيْمِ
د افغانستان اسلامي ام/ارت د پوهنې وزارت، د خپل دیني، وظیفوي او ملي مکلفیت له مخې، له ایران او نورو ګاونډیو هیوادونو څخه هېواد ته د راستانه شوو او راستنېدونکو افغان کډوالو تود هرکلی کوي او د هغوی د اولادونو د ښوونې او روزنې مسؤولیت په پوره ژمنتیا سره پر غاړه اخلي.
راستانه شوي زدهکوونکي به د هېواد په ټولو رسمي ښوونځیو، دارالعلومو، مدرسو، او نورو امارتي او خصوصي تعلیمي بنسټونو کې جذبېږي، څو وکولای شي خپلو زدهکړو ته، له خنډ او ځنډ پرته، په یوه خوندي، باوقاره او اسلامي چاپېریال کې دوام ورکړي.
موږ له ټولو درنو والدینو، اړوندو سیمهییزو مسؤولینو، دیني علماوو او خیریه بنسټونو څخه غوښتنه کوو، چې د دغه اسلامي او ملي مسؤولیت د بریالي تر سره کېدو لپاره له وزارت سره مخلصانه همکاري وکړي.
د افغانستان اسلامي ام/ارت د پوهنې وزارت
