په جوزجان کې د یو شمېر ښوونځیو د ترمیم او بیارغونې چارې پیل شوې
د جوزجان ولایت د پوهنې رئیس محترم الحاج مولوي حزبالله مبشر په وینا، د شبرغان ښار او د دغه ولایت په ولسوالیو کې د شپږو ښوونځیو د ترمیم او بیارغونې چارې د ۲ میلیونه او ۸۰۰ زره افغانیو په ټولیز لګښت پیل شوې، چې لګښتونه یې د پوهنې وزارت له بودیجې څخه تمویلېږي.
په دغو ښوونځیو کې د درزاب ولسوالۍ بتو لېسه، د فیضآباد ولسوالۍ نصرتآباد لېسه، د منګجک ولسوالۍ هارون اول لېسه، د شبرغان ښار اوره مست منځنی ښوونځی، د آقچې ولسوالۍ کمک منصور منځنی ښوونځی او د خمآب ولسوالۍ بوزاریغ لومړنی ښوونځی شامل دی.
د یادو ښوونځیو د ترمیم او بیارغونې چارې به د ښوونیز چاپېریال په ښهوالي کې مهم رول ولوبوي.
