په راتلونکي کال کې به په لوګر کې له ۲۷ زرو ډېر نوي ماشومان ښوونځیو ته ولاړ شي
د پوهنې وزارت_لوګر: د لوګر ولایت په ۲۷۳ ښوونځیو کې به په راتلونکي ۱۳۹۹ ښوونیز کال کې له ۲۷ زرو څخه ډېر نوي زده کوونکي جذب شي.
یاد ماشومان، چې د ښوونځي عمر برابر دي د یاد ښوونیز کال له پیلېدو مخکې به په ښوونځیو کي شامل شي.
د نوموړو ماشومانو له ډلې به ۱۴۹۶۸ تنه هلکان او ۱۲۳۴۴ تنه نجونې وي، چې ټول ۲۷۳۱۲ تنه زده کوونکي کېږي.
د لوګر د پوهنې سرپرست رئیس نثار احمد سیدي وایي، چې ډېر ژر به په ښوونځیو کې د نوېو زده کوونکو د شاملولو پروسه پیل کړي.
د پوهنې سرپرست رئیس له ټولو پلرونو او میندو غوښتنه وکړه، چې د ښوونځي عمر برابر خپل ماشومان په ښوونځیو کې شامل کړي.
د یادونې وړده، چې د لوګر په ښوونځیو کې په ۱۳۹۸ ښوونیز کال کې د ۷۲۲۰ نجونو په ګډون ۲۰۳۰۰ زده کوونکي جذب شوي دي.
