په غزني ولایت کې د یو باب ښوونځي لپاره نوې درسي خونې جوړې شوې
د غزني ولایت قره باغ ولسوالۍ خیرخواهانو په مالي مرسته، د یادې ولسوالۍ اړوند سلطان محمود لومړني ښوونځي لپاره د ۲۵۰ زره افغانیو په ټولیز لګښت څلور درسي خونې جوړې او په رسمي ډول ګټې اخیستنې ته وسپارل شوې.
د پوهنې چارواکو په وینا، دا خونې د ډېرو تعلیمي اسانتیاوو برابرولو او د درسي ټولګیو د کمښت ستونزې حل په موخه جوړې شوې دي.
