په غزني ولایت کې د یو باب ښوونځي نوې ودانۍ جوړولو چارې ۷۰ سلنه بشپړې شوې
د غزني ولایت قره باغ ولسوالۍ اړوند د طاقچین لېسې لپاره د نوې ودانۍ جوړولو چارې په چټکۍ سره روانې دي او یاده پروژه چې شاوخوا دوه میاشتې وړاندې پیل شوې، د ۲.۵ مېلیونه افغانیو په اټکلي لګښت پلې او ډېر ژر به بشپړه شي.
د لېسې دغه نوې ودانۍ به ۱۱ درسي خونې، لوبغالی او نور اړین ملحقات ولري.
د قره باغ ولسوالۍ پوهنې آمر وویل: د داسې تعلیمي مرکزونو جوړول د فکري ودې، ټولنیز پرمختګ او د زدهکوونکو روښانه راتلونکي لپاره بنسټیز ارزښت لري.
