په هرات ولایت کې د ښوونځیو زدهکوونکو لپاره د ترافیکي نښو او ماینونو خطرونو په اړه د پوهاوي پروګرام جوړ شو
د هرات ولایت پوهنې ریاست، د ګذرې ولسوالۍ د روضه باغ او وزیر فتح خان ښوونځیو د ۳۰۰ تنو زدهکوونکو لپاره د ترافیکي نښو - اشارو او د ماینونو او ناچاوده توکو خطرونو په اړه د پوهاوي پروګرام پیل کړ.
د یادونې وړ ده چې دغه پروګرام د هرات ولایت پوهنې ریاست د ساتنې او خوندیتوب مدیریت لخوا د ترافیکو ریاست د ښوونکو په همکارۍ د ترافیکي نښو او ناچاوده توکو په اړه د زدهکوونکو د پوهاوي کچې لوړولو په موخه ترسره شو.
