پوهنې وزیر د سولې انځورګرۍ او شاعرۍ د سراسري فسټیوال له ترسره کوونکو سره وکتل
پوهنې وزارت ــ کابل: د شایان کلتوري او رسنیز بنسټ رئیس ذکي شهامت چې په دې وروستیو کې یې د سولې انځورګرۍ او شاعرۍ سراسري فیسټیوال ترسره کړۍ دۍ، د یاد فسټیوال ځانکړۍ کتاب یې د هیواد پوهنې وزیر ډاکتر محمد میرویس بلخي ته ډالۍ کړ.
پوهنې وزیر په دې لیدنه کې د هیواد امنیتي ځواکونو لوړ مقام ته د درناوي او د سولې ادبیاتو ترویج او بنسټیز کولو په لاره کې د یاد فسټیوال د ترسره کوونکو څخه د ستاینې ترڅنګ، په دې کلتوري کار کې یې د ټولني بیلابیلو برخو لپاره د ښوونیزو اړخونو په پیاوړي کولو ټینګار وکړ.
همدارنګه د شایان کلتوري او رسنیز بنسټ رئیس ذکي شهامت د سولې او شعر د سراسري فسټیوال د ترسره کیدو څخه یو لنډ راپور د پوهنې له وزیر سره شریک کړ او ویې ویل چې دا ملي فسټیوال د نوي نظام او لاسته راوړنو، دفاعي او امنیتي ځواکونو، سولې، د افراطیت سره مبارزې، نوي افغانستان او پخلاینې او سولې څخه د ملاتړ اړوند موضوعاتو، د هیواد په ۷ حوزو کې، کابل، بامیان، بلخ، هرات، قندهار، ننګرهار او بدخشان کې ترسره شو.
شهامت زیاته کړه چې د یاد فسټیوال ځانګړۍ مستند اوسمهال په ۷ ملي ټلویزیونونو او ملي او سیمه ایزو رایوګانو کې خپریږي او د فیسټیوال ځانګړۍ کتاب چې په کې د دري، پښتو او ازبکي ژبو د شاعري آثار او د انځورګرۍ او ګرافیک آثار دي، ۱۰۰۰۰ ټوکه چاپ شوي او په ټولو ولایتونو کې ویشل کیږي.
د فسټیوال ترسره کوونکي بنسټ رئیس د پوهنې وزارت مشرتابه له ملاتړ څخه ستاینه وکړه او د پوهنې وزارت په همکارۍ د سولې ادبیاتو د ترویج او جوړولو او د راتلونکو پروګرامونو په موخه یې د پوهنې له وزیر ډاکتر بلخي سره خبرې اترې وکړې.
