پوهنې وزیر د ټیکا له نوي چارواکي سره د پیژندګلوي لیدنه وکړه
پوهنې وزارت- کابل: پوهنې وزیر ډاکتر محمدمیرویس بلخي په افغانستان کې د ټیکا له نوي مسئول ذهتو چال سره د پیژندګلوي لیدنه وکړه او د همکاري پر یو لړ مهمو موضوعاتو یې خبرې وکړې.
دا لیدنه چې پوهنې وزارت کې تر سره شوه، پوهنې وزیر په افغانستان کې د ټيکا نوي چارواکي ذهتو چال ته د دندې مبارکي ورکولو ترڅنګ زیاته کړه چې ترکیه هیواد د افغانستان ذهني ګاونډۍ او واقعي ملګرۍ دي.
ډاکتر بلخي د افغانستان ماشومانو ښوونې او روزنې څخه د ترکيې هیواد د ملاتړ لکه د کابل ۱۲ تعلیمي ناحيه (پلچرخي) کې د ښوونځي جوړلو، د ښوونکو ظرفیت لوړوالي پروګرامونو او د ښوونیز نصاب په برخه کې د همکاریو څخه مننه وکړه او د پوهنې وزارت او د ترکیه هیواد د همکاري او پراختیا موسسې ټیکا تر مينځ د همکاریو د پیاوړتیا غوښتونکۍ شو.
په دې لیدنه کې ذهتو چال د افغانستان ښوونې او روزنې لپاره د ټیکا له نویو پروګرمونو څخه خبر ورکړ او زیاته يې کړه چې د ترکيې دا بنسټ (ټیکا) په افغانستان او ترکيه کې د دو ښوونځيو تر مینځ د ورورولۍ د پروګرامونو د پلي کولو غوښتونکۍ دۍ.
همدارنګه په افغانستان کې د ټيکا مسئول د ترکيي ښوونکو له لوري په کابل کې د یوه ښوونځي د جوړولو خبر ترڅنګ د یاد ښوونځي د تشکیل او ښوونیزو خدمتونو په برخه کې د پوهنې وزارت د همکاري غوښتنه وکړه او د ښوونکو د ظرفیتونو لوړولو پروګرامونو په موخه د همکاریو په دوام او د خوارزمي پروګرامونو د پلي کيدو خبر ورکړ.
