پکتیکا ولایت کې د یو مېلیون افغانیو په لګښت د یوې مدرسې لپاره درسي ټولګي جوړېږي
د پکتيکا ولايت د برمل ولسوالۍ خلکو چې تېر کال يې د يادې ولسوالۍ لنډاکي وړه په کلي کې د فاروقيه مدرسې لپاره دوه جرېبه ځمکه ورکړې وه، اوس چمتو دي چې همدغې مدرسې ته درې درسي ټولګي او يو احاطوي دېوال د یو مېلیون افغانیو په لګښت ورغوي.
د پکتيکا پوهنې رئيس مولوي عبدالوکيل خالد وويل، چې د ځمکو ورکول او د ښوونيزو مرکزونو جوړول د صدقه جاریه نېکو عملونو څخه دي او له خلکو يې وغوښتل تر څو خپل اولادونه مدارسو او ښوونځيو ته واستوي.
د پوهنې وزارت مشرتابه د پوهنې په برخه کې د خلکو د ملاتړ ستاینه او هرکلی کوي.
