▪له کندهار ولایت څخه د پوهنې د فعالیتونو لنډ خبرونه.
د سیرت النبی (ص) د هڅونې سیالۍ د کندهار ولایت د پتیال لېسې د زده کوونکو ترمنځ د پوهنې د مسوولینو، دیني عالمانو او قومي مخورو په ګډون ترسره شوې.
د دغه ولایت د ښار د پوهنې آمر حافظ مولوي محمد عثمان روحاني د زده کوونکو له والدینو وغوښتل چې د خپلو اولادونو په ښوونه او روزنه کې زیار وباسي، ترڅو په راتلوونکې کې ټولنې ته داسې یو نسل وړاندې کړو، چې اسلامي او ملي ارزښتونو ته ژمن وي.
د میوند ولسوالۍ د پوهنې آمر مولوي عبدالخالق میوندوال د دې ولسوالۍ د ۲۰ بابه ښوونځيو د فعالیتونو د څارنې پرمهال د کوار موسسې له مسوولینو سره وکتل او د میوند ولسوالۍ له پوهنې سره یې د یادې ادارې له مرستو مننه وکړه. او د نورو مرستو د دوام غوښتنه یې وکړه.
د کندهار ولایت د سپین بولدک ولسوالی د پوهنی آمر مولوی صدیق الله هلال د OCCD موسسی د مسوولینو له خوا د دغه آمریت اړوندو سیمو کی د سیمه ییزو زده کړو د ټولګیو د کارکوونکو لپاره له جوړ شوي سیمینار څخه لیدنه وکړه.
د کندهار ولايت د غوري ولسوالۍ د پوهنې آمر مولوي حضرت شاه د ژېړي والسوالۍ تپه شهدا او د پير محمد کاکړ ښوونځيو له فعاليتونو څخه څارنه وکړه او د يادو دوو ښوونځيو له ښوونکو او زده کوونکو سره يې په ليدنه کې د دغو ښوونځیو ستونزې یې واوريدې او د حل لارې يې ورته وموندلې. نوموړي د زده کوونکو د ښې زده کړې په برخه کې د استادانو د هلو ځلو د مننې ترڅنګ ژمنه وکړه، چې د يادې شوې لېسې د ستونزو په حل کې به مرسته کوي.
همدارنګه:
په یاده ولسوالۍ د پنځو ښوونځیو د زده کوونکو ترمنځ د استعدادونو د ودې په موخه علمي او تشویقي سیالۍ ترسره شوې او ګټونکو ته بېلابېلې جایزې ورکړل شوې.
