پکتیکا کې د کلیوالي ټولګیو و ښوونکو ته روزنیز ورکشاپ جوړ شو
د پوهنې وزارت، پکتیکا: د پکتیکا ولایت مرکز او ولسوالیو د کلیوالي ټولګیو ۱۲ تنو ښوونکو ته د ظرفیت لوړونې ۱۳ ورځنۍ ورکشاپ جوړ شو.
دغه ورکشاپ د پکتیکا د پوهنې ریاست په همکاري او د سویدن کمیټي په مالي مرسته جوړ شوی، چې د محلي ټولګیو و ښوونکو ته به د علمي او مسلکي ظرفیت لوړونې، د درسي میتودونو د زده کړې او د نویو ښوونیزو مېتودونو په اړه به لازم مالومات ورکړل شي.
د پکتیکا د پوهنې ریاست تدریسي مرستیال او سرپرست رییس صالح محمد ظفر وایی، یاد ورکشاپ د ښځینه ښوونکو د ظرفیت لوړونې په برخه کې یو مهم ګام دی او هیله لري، چې د پام وړ پایلې ولري. هغه زیاتوي، ددې روزنیز ورکشاپ په ترڅ کې ښوونکو ته ښوول کېږي، چې څنګه کولای شي په اسانۍ سره زده کوونکو ته زده کړه انتقال کړي.
