د لغمان ولایت پوهنې ریاست د ۱۳۹۹ کال کاري راپور له رسنیو سره شریک کړ
د پوهنې وزارت، لغمان: د لغمان ولایت د پوهنې رییس عبدالله حمیدی « ملت ته د دولت د حساب ورکولو» په غونډه کې چې د لغمان ولایت والي رحمت الله زیارمل، مرستیال والیانو، د دولتي ادارو رییسانو، د ولایتي شورا غړو، قومي مشرانو، د مدني ټولنو غړو او د رسنیو استازو ګډون درلود، د ۱۳۹۹ کال کاري راپور وړاندې کړ.
د لغمان د پوهنې رییس عبدالله حمیدي د یادې غونډې برخه والو ته د تېر مالي کال په لاسته راوړنو، ستونزو او راتلونکو پلانونو مفصلې خبرې وکړې.
هغه وویل، چې په یاد کال کې د پوهنې سکتور د ښه والي، ودې او شته ستونزو د هواري په موخه ښه پلانونه او پروګرامونه پلې شوي دي.
د پوهنې رییس د حساب ورکونې پر مهال خلکو ته ډاډ ورکړ، چې د پوهنې سکتور د لا ودې او پرمختګ لپاره به عملي ګامونه پورته کړو.
همدا رنګه د ولایت والي رحمت الله یارمل د پوهنې ریاست دکړنو ستاینه وکړه او دنوي تعلیمي کال د پلانونو د پلي کولو لپاره د پوهنې ریاست سره د هر ډول د همکاریو ژمنه وکړه.
د غونډې په پاي کې د پوهنې رییس دخبریالانو او دغونډي ګډون والو پوښتنو ته قناعت ورکوونکي ځوابونه وویل.
