په سیداباد ولسوالۍ کې د پوهنې آمریت په نوښت ۱۵۸ ښوونکو ته روغتیايي سیمینار پیل شو
سیمینار ته د یادې ولسوالۍ پوهنې آمر مولوي وزیر احمد له ښوونکو سره په خبرو کې پر پاکوالي او نظافت خبرې وکړې، دا يې د ایمان ارزښتمنه برخه وګڼله.
آمر مولوی وزیر له ښوونکو غوښتنه وکړه چې د پاکوالي او لاس مینځلو اړوند زده کوونکو ته بشپړ پوهاوی ورکړي او د هغوی نظافت وڅاري.
نوموړي له ښوونکو څخه وغوښتل چې په دې برخه کې دې خپله توجه لا ډېره کړي؛ تر څو د ناپاکۍ له بدو پايلو په امان وي.
همدارنګه د ښوونځیو له مسؤلینو ته سپارښتنه وشوه، چې د چاپېريال په پاکوالي او د څښاک پاکو اوبو په برابرولو کې ځانګړې پاملرنه وکړي.
