په ولايتونو کې د پوهنې د ریاستونو مهمو خبري پيښو لنډيز

کندوز:
په کندوز ولایت کې د علماو د تثبیت کمېټې په رسمي ډول خپل کار پیل کړـ
 د پوهنې وزارت رهبرۍ په لارښوونه د کندز ولایت د علماوو د ارزونې په موخه د پوهنې ریاست د مشرتابه له‌خوا په دې نوم یوه کمېټه جوړه شوه او رسماً یې خپل کار پیل کړ.
 د یادولو وړ ده چې د عالیې دورې ازموینه په ۱۴ پاسونو اخیستل کیږي او ثانوي دوره چې ۱۲ پاس دی د پوهنې وزارت له‌خوا اخیستل کیږي او عالمیه دوره د لوړو زده کړو وزارت له‌خوا اخیستل کیږي چې پدې کې د مدرسو، دارالعلومو، دارالحفاظو او ښونځیو ټولګیوال له دغه امر څخه مستثنی او په دې پروسه کې شامل ندي. 

ننګرهار:
د ننګرهار پوهنې رياست اړوند اچين ولسوالۍ کې (۶۲) کليوالي ټولګيو لپاره د (۱۵۵) تنه نارينه او (۲۲) تنه ښځينه ښوونکو چې ټول ټال (۱۷۷) ښوونکي کيږې, ور څخه د اچين پوهنې آمريت او ماشوم ساتنې موسسي لخوا ازموينه واخيستل شوه,

کاپیسا:
کاپیسا ولایت د مقام مرستیال مولوی اسدالله "سنان", د پوهنې رئیس مولوي الحافظ محمد فرید "جواد حقاني" او محمود راقي د پوهنې ښاري آمریت آمر مولوی حمیدالله "حقاني" د کاپیسا ولایت د پوهنې ریاست په مقام کې د دوست هېواد قطر د (سری میاشتی ټولنې) د مشری او مل پلاوي سره یې وکتل.
راغلي پلاوي د کاپیسا ولایت ښوونځیو سره د خپلو تیرو مرستو یادونه وکړه او د راتلوونکو پلانونو په اړه یې د ولایت مقام او د پوهنې ریاست مشرتابه ته معلومات وړاندی کړل.

دپروان:
دپوهنې د ریاست په مسجد کې د پروان ولایت د پوهنې رییس ښاغلي مفتي محمدحسن حقاني له لوري  د قرآن عظیم الشان د تفسیر دوره پیل شوه .

د لوګر:
 لوګر د برکي برک ولسوالۍ اړوند د شاه مزار، ټوپک او تګاب ښوونځيو ته لمري برېښنا او لمري  واټر پمپ فعال شو.

دا کار د پوهنې رياست په هلو ځلو د ژغورنې نړېوالې کمېټې يا د آى.آر.سي په نوم مرستندویه موسسې په مالي لګښت ترسره شوى دى.
د هر ښوونځي لپاره د لمري برېښنا ۱۰ د سولر تختې؛ ۲ د ۱۲۰ امپيره بيټرۍ؛ يو د برېښنا کنترولر؛ يو لمري واټر پمپ؛ د اوبو پيپ او د اوبو يوه ذخيره لري.

د لوګر د پوهنې رئيس ښاغلى مولوي جنت ګل عزيز پر ياد کار خوښي څرګندوي او وايي،چې په دې کار سره د يادو ښوونځيو د برېښنا او اوبو خېژولو ستونزه هواره شوه.