د پوهنې وزارت د مشرتابه مجلس دایر شو
د پوهنې وزارت د مشرتابه مجلس د یاد وزارت د سرپرست وزیر شیخ مولوي نورالله منیر صاحب په مشري په داسې حال کې چې د یاد وزارت څلورتنو معین صاحبانو، ستر سلاکار او د نشراتو رئیس پکې برخه درلوده، دایرشو.
یاد مجلس چې د قرآنکریم د څو مبارکو ایاتونو په تلاوت سره پیل شو، د هیواد په تودو او سړو سیمو کې د دیني مدارسو د تعلیمي کال او ازموینو د پیل او پای د نېټو، په خصوصي تعلیمي مرکزونواو کورسونو باندې د نظارت، د هیواد د ځینو ولایاتو د تعلیمي بهیر د ارزونې په موخه یادو ولایاتو ته د ځانګړیو هیئتونو د استولو، په کابل کې د الازهر معهد لپاره د یوې مناسبې ودانۍ د پیدا کولو او دې ته ورته نورو مسایلو په هکله پکې تفصیلي بحثونه او پرېکړې وشوې او د هرې موضوع لپاره ځانګړي هیئتونه وټاکل شول. غونډه د دعائیې په لوستلو سره پای ته ورسیده.
