د پوهنې وزارت د خصوصي زده کړو ریاست پلاوی بلخ ولایت ته په رسمي سفر ولاړ

د پوهنې وزارت د خصوصي زده کړو رئیس الحاج مولوي عبدالرحمن حمیدي او ورسره مل پلاوي، د خصوصي زده کړو بنسټونو د اداري او تدریسي وضعیت د ارزونې په موخه، بلخ ولایت ته سفر وکړ.
په پیل کې د خصوصي زده کړو رئیس د بلخ له پوهنې رئیس الحاج مولوي عبدالجلیل شهید خېل سره په کتنه کې یاد ولایت ته د خپل سفر موخه تشرېح او د پوهنې ریاست له مشرتابه یې وغوښتل، چې د خصوصي زده کړو له ښوونځیو او بنسټونو څخه د لیدنې او څارنې په برخه کې ورسره  همکاري وکړي.
ورپسې د بلخ پوهنې رئیس د خصوصي ښوونځیو د ارزونې او کنټرول په موخه، د ورغلي پلاوي له سفر څخه خوښي څرګنده کړه او د څارنې بهیر یې د پوهنې د کیفیت د ودې او ښه والي په برخه کې یو مثبت ګام وباله.
په پای کې نوموړي د پوهنې وزارت له لوري ورغلي پلاوي ته د هراړخیزې همکارۍ ډاډ ورکړ.