د لوګر ولایت په ښوونځیو کې د درسي کتابونو د ساتنې په اړه د پوهاوي کمپاین پیل شو
د درسي کتابونو د ساتنې او پالنې په موخه، د لوګر ولایت په مرکز پل علم ښار کې د «درسي کتابونه ملي شتمني ده او باید وساتل شي» تر سرلیک لاندې په ۱۶ بابه ښوونځیو کې د پوهاوي کمپاین پیل شو.
ياد کمپاين د پوهنې وزارت د نشراتو او عامه اړيکو رياست د پلان او پروګرام له مخې پيل شوى، چې د لوګر ولايت د نشراتو مديريت د کارکوونکو له خوا پر مخ وړل کېږي.
د يادونې وړ ده، چې دغه پروګرام څه موده وړاندې د همدې ولايت د خوښۍ ولسوالۍ په ۱۰ بابه ښوونځيو کې د ١٢ زرو زده کوونکو د پوهاوي په موخه پيل شوى و.
