د پوهنې وزارت د تدارکاتو نوی رئیس معرفي شو

د پوهنې وزارت دمقام د دفتر لوی رئیس الحاج مولوي شهاب الدین ثاقب له لوري، مولوي عبدالوکیل د تدارکاتو رياست د نوي رئیس په توګه د یاد ریاست کارکوونکو او منسوبینو ته ور وپېژندل شو او رسماً یې خپله دنده پیل کړه. په پیل کې د پوهنې وزارت دمقام د دفتر لوی رئیس، په ادارو کې د مسئولينو او کارکوونکو د تبدیل او ګمارنې اداري اصولو ته په اشارې سره څرګنده کړه: په ادارو کې تبدیلي او تقرري یو اصل دی او دغه بدلونونه د چارو د لاښه والي او پرمختګ په موخه رامنځته کېږي. په ورته مهال نوموړي د تدارکاتو د پخواني رئیس له کړنو او فعالیتونو هم ستاینه وکړه. ورپسې د تدارکاتو نوي رئیس د افغانستان.ا.ا. عالي مقام او پوهنې وزارت د رهبرۍ له باور څخه د مننې ترڅنګ ژمنه وکړه، چې په ټول توان سره به په خپلو ورځنیو چارو کې نه ستړې کېدونکې هلې ځلې کوي.