د پوهنې وزارت د تشکیلاتو ریاست له لوري د یو شمېر ولایتونو پوهنې آمرینو ته ۴ ورځنی روزنیز ورکشاپ پرانیستل شو

media-moe
دوشنبه ۱۴۰۳/۱۱/۲۲ - ۱۴:۵۹
125

د پوهنې وزارت د تشکیلاتو ریاست له لوري د کابل، ننګرهار، کندهار، بلخ، تخار، بغلان، کندز او سمنګان ولایتونو د پوهنې آمرینو د رهبري او مدیریتي وړتیاوو لوړولو په موخه روزنیز ورکشاپ، د یاد وزارت د کیفیت تضمین معین الحاج مولوي عبدالخالق صادق، د سرچینو او ادارې معین الحاج مولوي صبغت الله وصیل، د آزموینو ملي ادارې لوی رئیس شیخ عبدالباقي حقاني، ځینو مرکزي رئیسانو، مسئولینو او علماء کرامو په حضور کې جوړ شو.
په پیل کې د پوهنې وزارت د تشکیلاتو رئیس مفتي عبدالحلیم حلیمي لوړ پوړو مېلمنو او ګډون والو ته د ښه راغلاست ترڅنګ، د یاد ورکشاپ د موخو او اهمیت په تړاو مفصله ویناء وکړه.
ورپسې د یاد وزارت د سرچینو او ادارې معین په خپلو خبرو کې د مرکز په شمول د ټولو لیرې پرتو سیمو د تشکیلاتو د متوازن وېش او لاپراخوالي په هکله د معلوماتو ترڅنګ، له ګډون والو وغوښتل تر څو د دغه ډول ورکشاپونو له زده کړو مهارتونو څخه اعظمي ګټه پورته کړي.
همدارنګه د آزموینو ملي ادارې لوی رئیس د پوهنیز نظام مسئولیت ته په اشارې سره وویل: یاد نظام مسئولیت لري، تر څو د هېواد بچیانو ته لامعیاري ښوونیز او روزنیز چوپړونه وړاندې کړي.
په ورته مهال د کیفیت تضمین معین د خپلو خبرو په ترڅ کې، د پوهنیزنظام لاپرمختګ لپاره، د ټولو کارکوونکو پر امانتدارۍ او علمیت ټینګار وکړ او زیاته یې کړه، په دیني او عصري دواړو برخو کې د راتلونکو نسلونو باکیفیته روزل، د ټولو منسوبینو په امانتدارۍ او علمیت پورې تړلي دي.
نوموړي د ورکشاپ له ګډون والو وغوښتل چې خپل زده کړي مهارتونه او علمي وړتیاوې په بشپړ ډول پلې کړي.
دغه راز يو شمېر نورو مسئولینو  هم د روزنیزو ورکشاپونو د ګټو په اړه منسوبینو ته اغېزناکې ویناوې وکړې او هغوی یې خپلو اساسي موخو ته وهڅول.
غونډه دعائیې په لوستلو سره پای ته ورسېده.

تازه خبرونه

پنجشنبه ۱۴۰۳/۱۲/۲۳ - ۱۲:۴۴
Background image

پکتیکا ولایت کې د څه باندې ۴۶۰ زره افغانیو په لګښت د یو شمېر ښوونځیو لپاره لابراتوار خونې جوړې شوې

د پکتیکا ولایت د زیړوک، اومنه ارګون او یوسف خېل ولسوالیو څلورو لېسو لپاره د پوهنې له بودیجې څخه د ۴۶۶ زره ۴۹۵ افغانیو په لګښت مجهزې لابراتوار خونې جوړې او ګټې اخیستنې ته وسپارل شوې.

د. . .

سه‌شنبه ۱۴۰۳/۱۲/۲۱ - ۱۲:۲۷
Background image

په دایکنډي ولایت کې د یو باب ښوونځي د ودانۍ بنسټ ډبره کېښودل شوه

د دایکنډي ولایت شهران ولسوالۍ اړوند د مملوق لېسې د ودانۍ جوړولو بنسټ ډبره، چې د وه نیم جرېبه ځمکه یې د دوه مېلیونه افغانیو په لګښت د یادې ولسوالۍ د خلکو لخوا د همدغې لېسې جوړولو لپاره. . .

سه‌شنبه ۱۴۰۳/۱۲/۲۱ - ۱۲:۱۶
Background image

د مرکز او ولایتونو له پوهنې څو لنډ خبرونه

- کابل:
د کابل ولایت پوهنې ریاست کارکوونکو او مسئولینو لپاره (د راپور لیکلو او آنلاین راپور ورکولو) په نوم یو ورکشاپ پرانیستل شو، چې څلور ورځې به دوام وکړي.

- پکتیا:
د پکتیا ولایت د. . .

BACK TO NEWS