د پوهنې وزارت دعوت او ارشاد ریاست له کړنو «اوونیز راپور»
تېره اوونۍ د پوهنې وزارت د دعوت او ارشاد د رئیس مولوي جمعه خان "سروري" په سرپرستۍ، د یاد وزارت د ښوونې او روزنې معینیت د یو تن مسئول په ملتیا، د ښوونیزو مرکزونو له یو شمېر مسئولینو سره دوې اصلاحي او علمي غونډې ترسره شوې.
په یادو غونډو کې چې د ښوونیزو مرکزونو مسئولینو او استادانو هم پکې ګډون درلود، د تعلیمي مرکزونو د تدریسي بهیر لاښه والي او د دعوت ارشاد ریاست ځانګړې کړنلارې پلي کولو په موخه، د اغېزناکو او تفصیلي خبرو ترڅنګ، دوې اصلاحي او علمي غونډې د پوهنې وزارت اړوندو معینیتونو، د ریاست د مقام دفتر او د کارکوونکو چارو لوی ریاست د مسلکي منسوبینو په ګډون جوړې شوې.
په ورته مهال، د پوهنې وزارت د دعوت او ارشاد ریاست یو بل پلاوي د هېواد ۱۱ ولایتونو ته د خپلو رسمي سفرونو په ترڅ کې، د میدان وردگ او غزنی ولایتونو له پوهني ریاستونو څخه لیدنې وکړه، چې په دغو لیدنو کې د دعوت ارشاد ریاست پلاوي، د پوهنې ولایتي چارواکو ته د شرعي او دیني مسایلو د تطبیق په برخه کې یو لړ لازمې سپارښتنې وکړې.
په ورته وخت کې، دعوت او ارشاد ریاست ته له کابل ښار او د ولایتونو له پوهنې ریاستونو څخه لاس ته راغلي راپورونه ښیي چې؛
په تېره اوونۍ کې له ټاکل شوي مهالوېش سره سم د تعلیمي مرکزونو اړوندو کارکوونکو ته د دیني درسونو لړۍ په نورمال ډول روانه وه، لکه د پخوا په څېر په مرکزي هسته کې د یاد ریاست څخه امام مولوي ابراهیم صاحب او ملا حبیب الله "عزیر" صاحب د یو شمېر ریاستونو د کارکوونکو حال له نږدې ولیده او هغوی ته یې لازمې توصیې وکړې.
همدا راز تېره یکشنبې د پوهنې وزارت د مرکزي هستې کارکوونکو ته علمي او اصلاحي بیان هم ترسره شو.
