په غزني ولایت کې ۲۵۰ تنه ماشومان له سالم تعلیمي چاپېریال څخه برخمن شول
د پوهنې وزارت مسئولینو په وینا؛ د یاد ولایت خواجه عمري ولسوالۍ په دهحمزه کلي کې د الطیبه مدرسې ودانۍ چارې بشپړې او د پوهنې رئیس محترم الحاج مولوي میر نصیر احمد حسيني، ګڼ شمېر مسئولینو، علماءکرامو او د سیمه ییزو خلکو په حضور کې پرانیستل شوه.
د دغې مدرسې پر ودانۍ ۲ مېلیونه او ۶۰۰ زره افغانی لګښت راغلی، چې د یادې ولسوالۍ د یو تن متدین او علم دوست شخصیت لخوا ورکړل شوی دی.
هغوی وویل: دغه مدرسه په ۸ جرېبه ځمکه کې جوړه شوې، چې له ټولو اړینو تاسیساتو سره ۷ درسي خونې لري او د ۲۵۰ تنو زدهکوونکو ظرفیت ولري.
