په هرات ولایت کې د ۱۷ مېلیونه افغانیو په لګښت د ۷ بابه ښوونځیو بیارغونې چارې بشپړې شوې
د یوې همکارې ادارې په ملاتړ د هرات ولایت په رباط سنګي او انجیل ولسوالیو کې د ۱۷ مېلیونه ۵۰۷ زره افغانیو په لګښت د ۷ بابه ښوونځیو بیارغولو چارې بشپړې او د پوهنې مسئولینو په حضور کې بیاځلې ګټې اخیستنې ته وسپارل شول.
د یاد ولایت پوهنې رئیس محترم مولوي رحمت الله جابر د پورته ذکر شویو پروژو له بشپړېدو څخه د رضایت په څرګندولو سره وویل چې، د بیارغونې پروژو پلي کول زدهکوونکو ته د زدهکړې لپاره مناسب او خوندي چاپېریال برابر کړی او په نورو برخو کې یې د دغه پروسې په دوام ټینګار وکړ.
