په کابل کې د پاکو اوبو او روغتیا ساتنې په اړه د پوهاوي سیمینار ترسره شو
د کابل ولایت د قرهباغ ولسوالۍ ښوونیزو ادارو آمرینو او مدیرانو ته د پاکو اوبو، نظافت او روغتیا ساتنې په اړه ښوونیز او پوهاوی ورکونکی سیمینار جوړ شو.
په دغه سیمینار کې د نظافت، پاکو اوبو د اهمیت او د روغتیا ساتنې د اصولو مراعاتولو په اړه ګډونوالو ته لازم معلومات او اړینې لارښوونې وړاندې شوې.
د سیمینار په پای کې ټینګار وشو، چې په دیني مدارسو او ښوونځيو کې دې روغتیايي سپارښتنې په عملي توګه پلې او د روغتیايي پوهاوي پروګرامونو ته دې لا پراختیا ورکړل شي.
