توزیع بسته‌های صحی به شاگردان مکاتب اناث در ولایت فراه

وزارت معارف، فراه: برای شاگردان اناث مکاتب ولایت فراه وسایل صحی توزیع گردید.

مواد کمک شده از طرف موسسه یونیسف به معارف ولایت فراه اهداء گردیده بود که شامل کیت‌های صحی و دیگر وسایل بهداشتی می‌باشد، برای ۱۰ هزار تن شاگردان مکاتب مرکز و ولسوالی‌های مربوطه توزیع خواهد گردید.

در محفلی که بدین مناسبت تدویر گردیده بود وحیدالله شیرانی رییس معارف، ضمن قدر دانی از کمک‌های موسسه یونیسف افزود که موسسه یاد شده همیشه با ریاست معارف این ولایت همکاری نموده و خواهان همکاری‌های هر چه بیشتر موسسه یونیسف با معارف ولایت فراه گردید.

رییس معارف به مسوولین مکاتب هدایت داد تا به شفافیت و تعادل در توزیع مواد توجه نموده و همچنان از شاگردان خواست تا نکات صحی را در زنده گی روزمره خویش مراعات نمایند.