پوهنې وزیر د کابل ښار ۳ دریمې تعلیمي ناحیې د امیر دوست محمد خان له مینځني ښوونځي څخه لیدنه وکړه.
پوهنې وزارت- کابل: پوهنې وزیر ډاکتر محمدمیرویس بلخي د ښوونیزو خدمتونو حالت څيړنې په موخه د کابل ښار ۳ دریمې تعلیمي ناحيې د امیر دوست محمدخان له مینځني ښوونځي څخه لیدنه وکړه.
پوهنې وزیر ډاکتر بلخي د یاد ښوونځي درسي ټولګیو څخه لیدنه وکړه، د زده کوونکو ښوونیزې فضا له څیړلو وروسته يې د شته ستونزو او ننګونو له مینځه وړلو په موخه لازم هدایتونه ورکړل.
پوهنې وزیر همدارنګه د یاد ښوونځي د زده کوونکو څخه وغوښتل تر څو د هیواد لوړو موخو او پرمختګ لپاره زده کړه خپله یواځینۍ موخه غوره کړي.
د یادونې وړ ده چې د کابل ښار ۳ دریمې تعلیمي ناحيې د امیر دوست محمد خان مینځنۍ ښوونځۍ په ۸۰ ټولګیو کې ۳۰۰۰ هلکانو او نجونو زده کوونکو ته په ۳ دریو درسي وختونو کې ښوونیز خدمتونه وړاندي کوي.
