پوهنې وزیر د یک ستاره له عالي خصوصي لیسې څخه لیدنه وکړه
پوهنې وزارت- کابل: پوهنې وزیر ډاکتر محمدمیرویس بلخي د کابل ښار ۱۷ مې تعلیمي حوزې د یک ستاره خصوصي عالي لیسې څخه لیدنه وکړه.
پوهنې وزیر د یادې لیسې له ټولګیو څخه د لیدنې ترڅنګ، د ښوونیزو خدمتونو وړاندې کولو څرنګوالۍ، د لیسې تجهیزات او د زده کوونکو لپاره یې د تدریس میتودونه و څيړل.
پوهنې وزیر همدارنګه د یادې لیسې له مدیر او ښوونکو سره خبرې وکړې او د هغوي د شته ستونزو له اوریدو وروسته يې وویل چې پوهنې وزارت دولتي او غیردولتي ښوونځيو ته یوشان پاملرنه کوي.
د یادونې وړ ده چې د کابل ښار یک ستاره عالي خصوصي لیسه ۳۰ درسي ټولګي لري چې په یوه درسي وخت کې له لمړي ټولګي څخه تر ۱۲ ټولګي پورې ۶۰۰ زده کوونکو ته ښوونیز خدمتونه وړاندې کوي.
