پوهنې وزارت کې د ښځو پر وړاندې د تاوتریخوالي د له مینځه وړلو ۱۶ ورځني کمپاین د کړنو لړۍ!
پوهنې وزارت- کابل: پوهنې وزارت د یو لړ پروګرامونه په دوام، د ښځو پر وړاندې د تاوتریخوالي د له مینځه وړلو په موخه د ۱۶ ورځني کمپاین په چوکاټ کې د پوهنې وزیر ډاکتر محمدمیرویس بلخي په ګډون یوه غونډه جوړه شوه.
په دې غونډه کې پوهنې وزیر د ښځو پر وړاندې د تاوتریخوالي او د دې چارو زیاتوالی یې په ټولنه کې د ښځو چوپتیا یاده کړه او ټینګار یې وکړ چې په ښوونځيو او ښوونیزو مرکزونو کې د نجونو لپاره د پوهاوي او د برابرۍ د کلتور پراخول د پوهنې وزارت یو له اساسي کړنو څخه دي.
ډاکتر بلخي په ښوونه او روزنه کې د ښځو پر وړاندې د تاوتریخوالي د له مینځه وړلو لپاره د لا زیاتو څیړلو او همداراز د سیمه ایزو ظرفیتونو د کارولو غوښتنه وکړه.
پوهنې وزیر همدارنګه وویل چې د ښځو پر وړاندې د تاوتریخوالي د له مینځه وړلو مبازري کلتور پلي کولو په موخه د سړیو او ښځو برخه اخیستنه باید یوشان وي.
د پوهنې وزارت د جندر آمریت سرپرستې فرشته سادات په دې غونډه کې د ښځو پر وړاندې د تاوتریخوالي د له مینځه وړلو په موخه د پوهنې وزارت د پروګرامونو څخه یادونه وکړه او په راتلونو ورځو کې یې د ښوونې او روزنې په فضا کې د ځورونې مخنیوي د پالیسي د بشپړیدو او وړاندې کیدو څخه خبر ورکړ.
