پوهنې وزیر د بدخشان یمګان ولسوالۍ د ښوونې او روزنې ستونزو پر حل ژمنه ورکړه.
پوهنې وزارت- کابل: پوهنې وزیر ډاکتر محمدمیرویس بلخي د بدخشان یمګان ولسوالۍ له یو شمیر ځوانانو سره په لیدنه کې د یادې ولسوالۍ د ښوونې او روزنې ستونزو پر حل او څار ژمنه ورکړه.
دا لیدنه چې د پوهنې وزارت په کوربتوب تر سره شوه؛ دواړو لورو د درسي کتابونو د کمښت، په یادې ولسوالۍ کې د پوهنې آمریت د ودانۍ او د پوهنې د تشکیل د ستونزو په اړه خبرې اترې وکړې.
د پوهنې وزارت مشرتابه د بدخشان ولایت د یمګان ولسوالۍ د ښوونې او روزنې د شته ستونزو له اوریدو نه وروسته ژمنه ورکړه چې د یادو ستونزو د حل او څار لپاره به جدي کړنې ترسره کړي.
د دې لیدنې په پاي کې، د بدخشان یمګان ولسوالۍ ځوانانو په افغانستان کې د ښوونې او روزنې د حالت له ښه والي څخه یادونه وکړه او د پوهنې وزیر کړنې یې وستایلي.
